ആമുഖം
ജലം ജീവന്റെ അമൃതവും ആവാസവ്യവസ്ഥയെ നിലനിർത്തുന്നതിനുള്ള സുപ്രധാന പ്രകൃതിവിഭവവുമാണ്. മഴ, ഉപരിതലജലം, ഭൂഗർഭജലം എന്നിവയുൾപ്പെടെയുള്ള ജലസ്രോതസ്സുകളുടെ വിലയിരുത്തൽ, സംരക്ഷണം, വികസനം, പരിപാലനം, വിനിയോഗം എന്നിവയെക്കുറിച്ചുള്ള ധാരണകൾ മെച്ചപ്പെടുത്തുന്നതിനും ശാസ്ത്രീയമായ പരിഹാര രീതികൾ അവലംബിക്കുന്നതിനും ഗവേഷണവും വികസനവും കൺസൾട്ടൻസി- വിപുലീകരണ പരിപാടികളിൽ മാർഗനിർദേശവും നേതൃത്വവും നൽകുക, അടിസ്ഥാനപരവും പ്രായോഗികവുമായ ഗവേഷണത്തിലൂടെ സമൂഹത്തിന്റെ പുരോഗതിക്കായി സുസ്ഥിരമായ ജലസ്രോതസ്സുകൾ ഉറപ്പാക്കുക എന്നിവയാണ് ജല-കാലാവസ്ഥാശാസ്ത്ര പഠന വിഭാഗം നൽകിവരുന്ന സേവനങ്ങൾ.
എല്ലാ പ്രകൃതി വിഭവങ്ങളിലും ഏറ്റവും പ്രധാനപ്പെട്ടത് ജലമാണ്, അതിനാൽ ജലസ്രോതസ്സുകളുടെ സംരക്ഷണം സുസ്ഥിര വികസനത്തിന് അത്യന്താപേക്ഷിതമാണ്. അതിവേഗം മാറിക്കൊണ്ടിരിക്കുന്ന കാലാവസ്ഥാ സാഹചര്യത്തിൽ, ജലലഭ്യത വർധിപ്പിക്കുന്നതിനും, അമിതോപയോഗം നിയന്ത്രിക്കുന്നതിനും, വെല്ലുവിളികളെ അഭിമുഖീകരിക്കുന്നതിനും, ജലശ്രോതസ്സുകൾ കേന്ദ്രീകരിച്ചു ഗവേഷണത്തിലൂടെയുള്ള സുസ്ഥിര ജല പരിപാലനം അത്യന്താപേക്ഷിതമാണ്. സംസ്ഥാന, ദേശീയ, അന്തർദേശീയ തലങ്ങളിലെ വ്യത്യസ്തമായ ആവശ്യങ്ങൾ നിറവേറ്റുന്നതിനാണ് ഗവേഷണ-വികസന പ്രവർത്തനങ്ങൾ ഇനിപ്പറയുന്ന കാഴ്ചപ്പാടും ദൗത്യവും ഉപയോഗിച്ച് രൂപകൽപ്പന ചെയ്തിരിക്കുന്നത്.
ദർശനം
ജല-കാലാവസ്ഥാശാസ്ത്ര പഠന വിഭാഗത്തിന്റെ കാഴ്ചപ്പാട്, വ്യത്യസ്തമായ പഠന ശാഖകളെ സംയോജിപ്പിച്ചുകൊണ്ടു പ്രയോഗികതയിലൂന്നിയുള്ള ഗവേഷണത്തിലൂടെ ഉപരിതല ഭൂഗർഭജല ജലശാസ്ത്രത്തെക്കുറിച്ചുള്ള ശാസ്ത്രീയ അവബോധം മെച്ചപ്പെടുത്തുന്നതിൽ മികവിന്റെ കേന്ദ്രമായി പ്രവർത്തിക്കുക എന്നതാണ്.
ഉദ്ദേശലക്ഷ്യങ്ങൾ
സമൂഹത്തിന്റെ പുരോഗതിക്കായി സുസ്ഥിരമായ പ്രകൃതി പരിസ്ഥിതി ഉറപ്പാക്കുന്നതിന്, മഴ, ഉപരിതല ഒഴുക്ക്, ഭൂഗർഭജല സ്രോതസ്സുകൾ എന്നിവയുൾപ്പെടെയുള്ള ജലസ്രോതസ്സുകളുടെ വിലയിരുത്തൽ, സംരക്ഷണം, വികസനം, പരിപാലനം, വിനിയോഗം എന്നിവയ്ക്കുള്ള അറിവും ശാസ്ത്രീയ പരിഹാരങ്ങളും വാഗ്ദാനം ചെയ്യുക എന്നതാണ് ജല-കാലാവസ്ഥാശാസ്ത്ര പഠന വിഭാഗത്തിന്റെ ദൗത്യം.
മുഖ്യ ഗവേഷണ/പരിഗണനാ വിഷയങ്ങൾ
ജല-കാലാവസ്ഥാശാസ്ത്ര പഠന വിഭാഗം വാഗ്ദാനം ചെയ്യുന്ന ഗവേഷണം, വികസനം, കൺസൾട്ടൻസി പ്രോഗ്രാമുകൾ ക്യാച്ച്മെന്റ് ഹൈഡ്രോളജി, ഫോറസ്റ്റ് ഹൈഡ്രോളജി, റിവർ മെക്കാനിക്സ്, വെള്ളപ്പൊക്ക പ്രവചനം, ജലസംഭരണി, ഭൂഗർഭജലം എന്നിങ്ങനെ വിവിധ മേഖലകളിലെ ജലസ്രോതസ്സുകളുടെ പ്രശ്നങ്ങൾ പരിഹരിക്കുന്നതിൽ ശ്രദ്ധ കേന്ദ്രീകരിക്കുന്നു. ജലശാസ്ത്രം, ഹൈഡ്രോജിയോളജി, ആഗോളവും പ്രാദേശികവുമായ കാലാവസ്ഥാ പഠനങ്ങൾ, ഭൂഗർഭജല മോഡലിംഗും അതിന്റെ ഉപമേഖലകളും, തണ്ണീർത്തട ജലശാസ്ത്രം, ഹൈഡ്രോ-ജിയോഫിസിക്സ്, സബ്സർഫേസ് ഫ്ലോ ആൻഡ് ട്രാൻസ്പോർട്, ലാൻഡ് അറ്റ്മോസ്ഫിയർ ഓഷ്യൻ ഇന്ററാക്ഷൻ, പാലിയോ-ഹൈഡ്രോളജി, കോസ്റ്റൽ എഞ്ചിനീയറിംഗ്, പാരിസ്ഥിതിക പ്രവാഹങ്ങൾ, റിമോട്ട് സെൻസിംഗ് ആപ്ലിക്കേഷനുകൾ, തുടങ്ങിയ വ്യത്യസ്ത വിഷയങ്ങളെ സംയോജിപ്പിക്കുന്ന സമീപനത്തിലൂന്നിയ ഗവേഷണം ആത്യന്തികമായി പൊതുജനങ്ങൾക്ക് ജലസുരക്ഷ ഉറപ്പാക്കുന്നു. ഇവ കൂടാതെ, ജല-കാലാവസ്ഥാശാസ്ത്ര പഠന വിഭാഗം ജലവിഭവ മേഖലയിൽ വിദ്യാർത്ഥികൾക്കും ഗവേഷകർക്കും പരിശീലന അവസരങ്ങളും വാഗ്ദാനം ചെയ്യുന്നു.
